കാസര്കോട്: സിപിഐഎം പാലക്കാട് ജില്ലാ കമ്മിറ്റി അംഗവും എസ്എഫ്ഐ മുന് സംസ്ഥാന സെക്രട്ടറിയുമായ പി എം ആര്ഷോയും എസ്എഫ്ഐ മുന് നേതാവ് കെ വിദ്യയും വിവാഹിതരായി. തൃക്കരിപ്പൂര് രജിസ്ട്രാര് ഓഫീസില് വെച്ചായിരുന്നു വിവാഹം. ബന്ധുക്കളും ചുരുക്കം സുഹൃത്തുക്കളും മാത്രമാണ് ചടങ്ങില് പങ്കെടുത്തത്. സിപിഐഎം സംസ്ഥാന കമ്മിറ്റി അംഗം വി പി സാനു, എസ്എഫ്ഐ സംസ്ഥാന പ്രസിഡന്റ് എം ശിവപ്രസാദ്, എസ്എഫ്ഐ സംസ്ഥാന സെക്രട്ടറി പി എസ് സഞ്ജീവ്, എസ്എഫ്ഐ മുൻ സംസ്ഥാന പ്രസിഡൻ്റ് കെ അനുശ്രീ തുടങ്ങിയവർ പങ്കെടുത്തു.
എറണാകുളം മഹാരാജാസ് കോളേജിലെ ആര്ക്കിയോളജി ഇന്റഗ്രേറ്റഡ് കോഴ്സ് വിദ്യാര്ത്ഥിയായിരുന്നു ആര്ഷോ. കാസര്കേട് തൃക്കരിപ്പൂര് സ്വദേശിനിയായ വിദ്യ കാലടി സംസ്കൃത സര്വകലാശാലയിലെ പിഎച്ച്ഡി വിദ്യാര്ത്ഥിനിയാണ്.
Content Highlights: PM Arsho and K Vidya have entered a new chapter in their lives by getting married